Lógarsmíð

Endamál:

Lóggávuarbeiðið er kjarnuuppgávan hjá Føroya Landsstýrið, Føroya Løgtingið og øðrum stovnum undir landinum. Á skeiðinum verður dentur lagdur á mannagongdina at smíðja lógir og kunngerðir. Eisini  verður undirvíst í krøvunum til innihaldið í eini lóg. Tú fær vitan um lógararbeiðið, undir heusm vandatekin og økir, sum krevja eftiransni. Eisini verður undirvíst í, hvussu arbeitt verður við at betra um góðskuna av lóggávu arbeiðinum og hvussu arbeiðið best kann leggjast til rættis.

Tú fær innlit í og hegni at nýta grundleggjandi reglur og aðalreglur tá tú fyrireikar, skrivar og gjøgnumførir eitt lógaruppskot.

Økir sum undirvíst verður í:

1. Hvussu smíðar tú eitt gott lógaruppskot? Her verður undirvíst í lógarkynstri og teimum spurningum, sum ofta koma í samband við lóggávuarbeiðið.
2. Viðurskifti viðvíkjandi altjóða lóggávu.
3. Viðurskifti viðvíkjandi gildiskomu-, avtøku- og umskiftisásetingar
4. Krøv til mannagongdir - hvussu skal lóggávuarbeiðið í ráðnum ella stovninum fara fram.
5. Lær at leggja eina ætlan fyri lógaruppskotið - Hugskotið, arbeiðið, at sta fram lógaruppskot, arbeiðið í løgtinginum, samtykt og kunngerð.

Málbólkur:

Starvsfólk hjá løgtinginum, landsstýrinum og á stovnum, advokatar og løgfrøðingar, sum arbeiða við føroyskari lóggávu. Skeiðið er eisini áhguavert hjá øðrum, sum hava áhuga í lóggávuarbeiði.