Nevndararbeiðið

Tú fær grundleggjandi vitan og innlit í ársfrasøgn/roknskap og hvussu nevndin arbeiðir saman við leiðsluni í fyritøkuni. Tú fært undirvísing í rættindum, skyldum og ábyrgd hjá nevndini – bæði sum starvsfólkaumboð ella valdur nevndarlimur. Tú lærir um títt samband við týðandi spælarar uttanfyri fyritøkuna, herundir grannskoðaran hjá fyritøkuni. Eisini lærur tú um Corporate Governance og Risk Management.

Ein skikkaður nevndarlimur
Á skeiðinum lærir tú um støður tú vanliga rennir teg í í nevndararbeiði. Tú verður tryggari í arbeiðinum og fært størri slagkraft, og tú kemur at kenna tín leiklut, við teimum rættindum, skyldum og ábyrgd, sum nevndararbeiðið hevur við sær. Tú fært innlit í tær uppgávur, sum nevndin arbeiðir við, so tú eftir skeiðið betur er før/ur fyri, at gera eitt gott nevndararbeiðið.

Økt virðið fyri virkið
Ein dugnalig og skikkað nevnd hevur stórt virði fyri fyritøkuna. Skeiðið gevur nevndarlimum eina grundleggjandi vitan um nevndararbeiðið sum heild, her undir ásetingunum í føroyskari lóggávu, sum viðvíkja nevndararbeiðið. Skeiðið vendir sær til royndar og óroyndar nevndarlimir. Bæði nevndarlimir, sum eru valdir av aðalfundinum og starvsfólkaumboð. Skeiðið vendir sær eisini til fólk, sum hava áhuga í framtíðar nevndararbeiðið.

Endamál:
Endamálið við skeiðinum er at luttakarin fær grundleggjandi løgfrøðiligan og roknskaparligan kunnleika til ásetingar, sum eru galdandi fyri nevndararbeiðið. Hvat krevur nevndararbeiðið av tær sum nevndarlimi.